--> Arte Hezkuntza <--

Artea Kalean

2008-12-28T14:37:00.007+01:00

Kaixo. Hurrengo sarrera egiteko garaia nuenez eta gaur jai dela aprobetxatuz hurrengo sarrera idaztea erabaki dut. Aurrekoan museoak eta hauek ematen dituzten baliabideei buruz hitz egin nuen. Gaurkoan museoak alde batera utzita artearen beste ikuspuntu bat jorratuko dugu, hain zuzen ere, kaleko artea

Museoetan bere artelanak dituzten artistak ez dira asko, munduan aurki daitezkeen artistak bai ordea. Artista bat kaleko edozein eskinatan aurki daiteke. Kalean musika jotzen duen eskalea artista da. Graffityak egiten dituen gaztea artista da. Estatu gizon edo emakumeak artistak dira, mimoak, pailasoak, zu . . . bai zu ere artista zara.

Bai, kalean arte asko dago, Kaleko Artea edo Arte callejero deitu. Gure artean, Bilbon, duela gutxi kaleko arte honen adibide garbia ikusteko aukera izan genuen. Artista batek Bilboko hiritik zehar Space Invader bideojokoaren protagonistak izkutatu zituen bilbotarrek aurkitzeko. Edonork topo egin zezakeen artearekin, oraindik ere badira Bilbotik zehar invaders hauek. Ikusi al dituzu? Badaude bilbotik zehar ikusi dituztenak.

Gaurkoan gaian sartzeko kaleko arteari buruzko hainbat Power Point eta bideo utziko ditut, hauetan estilo desberdinak ikusi ahal izango dira, baina denak interesgarriak.

Lehenengo bideo bat jarriko dizuet. Bideo hau youtubetik lortua dago el hormiguero telebistako programan agertu zen.

Bideo harrigarri hau ikusi ondoren, kaleko artista baten Power Point-ak jarriko dizkizuet. Artistak Julian Beever du izena eta ikus daitekeen bezala oso lan berezia egiten du bere artelanak perspektibarekin egiten baititu.

julian beever dibujos en la acera

View SlideShare presentation or Upload your own.

julian beever

View SlideShare presentation or Upload your own.

Margotzea bakarrik ez da artea ez dugu ahaztu behar argazkiak ere arteak direla.

America

View SlideShare presentation or Upload your own.

Fotografias de animales

View SlideShare presentation or Upload your own.

FOTOS Almuerzo en el rascacielos

View SlideShare presentation or Upload your own.

Fotografo Aleman

View SlideShare presentation or Upload your own.

Margotzeko dohako ordenagailu programak

2008-12-28T12:59:00.017+01:00

Zorionak! Jada Gabonetan guztiz barneratuta gaude eta gutxiago falta zaigu azterketak gainean edukitzeko, beraz blog-a ere bukatzen joan beharko gara.

Gaurkoan blog-a irakasgaiarekin lotzen saiatuko naiz, internetek gure esku uzten dizkigun dohako aplikazioak ikusiko ditugu, baina ez guztiak izan ere asko daude eta horietako batzuk ez dira ikasleentzako egokiak. Zuek ere jolasekin dibertitu nahi baduzue softonic webgunean denak jaitsi ahalko dituzue eta gainera dohan!!!

1.- Tux Paint

Oso programa dibertigarria da, baina kontutan izan behar da Windows-erako dela. Nik neuk iaz erabili nuen Guggenheim-era egindako irteeran, izan ere, ikasleekin egindako tailerretan erabiltzen dira museoan. Programa hau windows-ek ordenagiluetan dakarren paint-aren antzekoa da baina tanpoiekin jolastea ahalbidetzen du. Umeei asko gustatzen zaie programa da aurrerago aipatutako irteeran ikasleek primeran pasatu zuten.

Programa honek gainera bertsio portablea ere, hau da edonork bere pendrivean eraman dezake.

2.- The magic book

Programa hau aurrekoa bezala windows sistema operatiboan erabiltzeko prestatua dago, baina hau ez da bestearen programa berdina. Oraingo honetan programa hau txikitan erabiltzen genituen liburuak bezalakoa da, hau da, marrazkiak programak berak emango dizkigu eta guk marraki horiek margotu ahalko ditugu.

3.- Kea Coloring Book

Programa hau webgunean balorazio onena duena da, beraz, kontutan hartzeko programa izango da windows duenarentzat. Webgunean diotenez, gurasoek nahi dituzten marrazkiak sartu ahal izango dituzte programak dakartzan hamabiak gutxi iruditu ezkero. Baina hau ez da guztia, programaren webgunean lehiaketetan parte hartu ahalko dute erabiltzaileek.

4.- MegaPik

Programa hau 5 - 11 urte tarteko haurrentzat pentsatua dago. Gainera ikasleentzat errazagoa izateko hainbat plantilla desberdin uzten ditu ikasleen esku, baina ikasleak berak ere margotze ahalbidetzen du. Ikasleei asko gustatu ahal zaien programa da, berarekin asko dibertitu daitezkeelako.

Ez ahaztu hemen azaldutako programa guztiak Windows sistema operatiborako dela, baina gorago esandako webgunean Mac eta Linux sistemetarako ere hainbat programa desberdin daude. Sistema hauek ez ditudanez ezagutzen

Albisteak V

2008-12-09T23:15:00.008+01:00

Aspaldian berriak jarri gabe nengoen eta bazen ordua berriz albisteren bat hemen jartzeko. Gaurkoan El nervion dohako eunkarian Jet Lag Bio, aurrerago ere idatzi nuen honi buruz, laster hasiko dela dio. Datu garrantzitsuak ere ematen dizkigute, sarrera DOHAKO izango dela edo eguneko 3000 pertsona espero dituztela.

Gaurkoan programari buruz pixkat hitz egingo dugu, egunkarian xehetan batzuk agertzen baitira. Festibal honetan ez da bakarrik kaleko arte landuko jarduera oso interesgarriak ere pestatu dituzte, birziklatzeko materialekin jostailuak egiten, eguneroko gauzekin jostailu sexualak egiten irakatsiko dute bertara hurbiltzen denari. Modari eta ileapaindegiei ere eskainiko zaie txoko bat.
Komikiek ere tartea izango dute bertako kreatzaileak ez ezik kanpoak ere ikusteko aukera izango du bertara hurbiltzen en edonork. Kontzertu sala bat ere izango da, "Kale Act", bertan Wagon Cookin, Booka Shade edo Chiminigagua taldeek besteak beste joko dute.

Ikusi ahal izan duzuenez oso jarduera desberdinak izango dira. Blog honetatik bertara hurbil zaiteztera gonbidatzen zaituztet.

Arte Hezkuntza Museotan II: Material didaktikoak

2008-12-09T23:06:00.019+01:00

Aurreko atalean irakasleak eta museoen arteko erlazioa aztertu genuen, hezkuntzan oso baliagarriak izan daitezkeelako. Gaurkoan museoek batzuek webguneetan irakasle eta ikasleentzat bereziki prestatutako atalak aztertuko ditugu.

1.- Bilboko Guggnheim Museoa

Momentu honetan euskal herrian dagoen museo garrantzitsuena dela esan genezake. Webgune honeta, umeak eta familientzako gunea, gazteentzako eta irakasleentzako guneak daude.

Umeak eta familientzako gunean hainbat jarduera dibertigarri daude umeek egiteko errazak direnak, gainera jarduera batzuen bidez museoatean ondo jarduteko arauak ikasten dituzte. Beste jolas batekin berriz material desberdinak, pisua eta oreka edo obra eta zu guneetan sar zaitezke bertan jolas desberdinak egiteko.

Eta guzti honetaz aparte imprimakiak egiteko aukera ere ematen du, zure inpresoran inprimitu eta etxean edozein material desberdinez marraztu dezakezu.

Baina guri batez ere iarkasleentzako gunea interesatzen zaigu eta batez ere Lehen Hezkuntzarako prestatutakoa (beste gune batzuk ere badaude). Bertan jarduera honek zenbat balio duen ikusi dezakezu eta baita ere pdf formatuan programazioa jaitsi daiteke.

Irakasleen gunean unitate didaktikoak ere jaitsi ditzakezu zure ordenagailura bisitatuko duzun erakusketaren unitate didaktikoa irteera egin baino lehen informazio biltzeko eta irteeran ikasleek zer ikusiko duten ikasteko.

Oso interesgarria da baita Artea ikasbide atala.

2.- MOMA (Museum of Modern Art)

Museo hau ere oso famatua da mundu osoan zehar, baina kontutan izan behar dugu webgunea ingelesez aurkituko dugula. Education atalean hainbat jarduera

dibertigarri aurkitu zitzakegu umeekin lantzeko. Modern Art atalean destination atalean hainbat jarduera desberdin proposatzen dira. Adibidez, Picassoren artelan bat sentsu guztiekin erlazionatzen dute edota Van Gogh-en Starry Night.

Webgune honetan hainbat jarduera daude beraz, onena zuek bertatik nabigatzea da.

3.- Museo Nacional de Prado

Museo honen webgunean hainbat jarduera interesgarri aurkitu ditzakegu. Lehenengoz, museo honetara irteera bat izan ezkero komenigarria izango litzateke museoan dauden artelanak denboraren ardatz kronologiko batetan kokatzea. Ni

ri, pertsonalki oso interesgarri iruditzen zait.

Bigarrenez, Museoako bildumen material didaktikoa ikusi eta jaitsi daiteke, irakaslearentzat oso garrantzitsua izan daitekeen dokumentua da bere kabuz bisitaldian zer aurkitu dezakeen ikusi dezakeelako. Hau izango da gure batez ere gehien interesatuko zaiguna Lehen hezkuntzarako prestatuta baitago.

Hirugarrenez, museoan denbora baterako dauden bildumen material didaktikoa ere ikusi edo jaitsi dezakegu gure ordenagailura. Oraingoan, espainiar artitstetan zentratzen dira. Bi artxibo desberdin aurkitu ditzakegu, Grocotik Goyara eta Goyatik Sorollara. Kontutan izan hau Bigarren DBH edo batxilergorako materiala dela.

Azkeniik, orrialde honetan oso oso interesgarria da termino artistikoei buruzko glosarioa, bertan artearekin zerikusia duteb ehunka hitz aurkituko ditugu eta hemen hitzak zer esan nahi duten azaltzen dizkigute. Arteari buruz asko ez dakien/dakigun irakasleentzako oso erakargarria den atala da.

4.- Thyssen- Bornemisza Museoa

Thyssen- Bornemisza Museoak hezkuntzari zuzendutako eskola gida interesgarriak ditu. Thyssen museoak duen arte bildumearen gida didaktikoa eskaintzen du ikastetzeetarako. Irakasleentzako gida diaktikoak ordenagailura jaisteko aukera ematen du baina ez hori bakarrik irakasleentzako ere, bisitaldia prestatzeko dokumentuak ere jaisteko aukera ematen du. Saila berdinean ikasleei bisita ondoren banatzeko foileto bat ere jaitsi daiteke non, ikasleek museoan ikusitako gogoratzeko informazioa eta ariketa dibertigarriak proposatzen diren.

Ikusi ahal izan duzuen bezala museoek irteerak aprobetxatzeko auketa ematen diote irakasleari eta irteera prestatzeko baliabideak ere gure eskura jartzen dituzte

. Komentatu beharra dago, goian komentatutako museoez aparte museo gehienek material didaktikoa dutel, adibidez: Reina Sofia museoak, artium (irakasleen prestaketa zuzenean egiteko aukera ere badago).

Arte Hezkuntza Museotan I

2008-12-08T22:07:00.025+01:00

Ikasturtean zehar museoetara irteera batzuk egin ohi dira eta irteera horiek ez dira denbora paas bat edo goiza pasatzeko modu dibertigarri bat bakarrik. Museoak baliabide interesgarriak dituzte ikasleentzako.

-Zer dira museoak?
Lehenengo museoak zer diren jakitea funtsezkoa da bertara joateko asmoa badaukagu. Museoak gizartearen zerbitzura eta honen garapenerako, publikoa eta helburu lukratiborik ez duen instituzio egonkorra da. Gizakiaren eta bere ingurunearen testimonio materialak erosi, ikertu eta erakutsi egiten duena, hesitzeko eta disfrutatzeko helburuaz. Artelanekin esperientzia zuzena izateko, disfrutatzeko eta ondare kulturala ulertzeko guneak izango dira. Azken honagatik oso aproposak dira hezkuntzarako.

-Museoen helburuak
Artea mantentzea, ikertzea, gordetzea eta erakustea. Artearen bidez komunikatzea eta hesitzea. Heziketarako lehen esperientzi sendoak 1970 hamarkadan eman ziren.
Museoak, eskolarekin lanean hasi ziren, bisitaldiak prestatuz, heziketarako estrategiak garatuz, egitasmo berriak sortuz, beti ere museoaren inguruan atseginak izango diren iharduerak eta jokoak antolatuz, unitate didaktikoak, arte kontzeptuak azaltzeko gune egokiak prestatuz eta abar

- Departamendu pedagogikoak
Heziketarako jarduera diseinatu, planifikatu eta bultzatzen duen arloa dugu. Arte hezkuntzan adituak diren pertsonak osatzen dute (museologoak). Hauek, Arte Hezkuntzaren curriculumak eta batzuetan eskolaren arte programak aztertzen dituzte eta hauen edukiei erantzunak bilatzen saiatzen dira. Unitate didaktikoak sortuz. eskolara zuzenduta dauden erakusketak antolatuko dituzte. Bisitak antolatu eta gidatu, hezkuntzarako prestatutako aretoak eskaini, irakasleentzako mintegiak antolatu, baliabide informatikoen erabilera argitzeko . . . aukerak ere ematen dituzte

1.- BISITALDIEN PRESTAKETA

- Nola antolatzen da bisitaldia?
Programatutako jarduera izan behar du, hau da, irakasleak ahal izan ezkero aurretik bisitatzea edo internet-en informazioa bilatzea funtsezkoa da horretarako baliagarria izan daiteke. Museoak eskaintzen dituen programak ugariak izaten diram eta askotan eskolarako egokienak direnak aukeratu behar dira, ez bakarrik artelan edo margolari ospetsuenak. Gainera ez da ahaztu behar musek bisitaldi gidatuak, katalogoak eta gidak eskaintzen dituztela betiere oso baliabide interesgarri eta baliagarriak izan daitezkeela.

Irakasleak ikasleekin museora joan aurretik jakin behar du: Zeintzuk diren bertan erakutsiko diren arte lan garrantzitsuenen ezaugarriak. Hauek azaltzen dituzten edukiak. Bisitaldiaren iraupena. Zer gaiak lantzen dituzten.

- Irakaslea eta museoak
Museoek hezkuntza departamenduaren bidez, irakasleekin bilerak egiteko aukerak eskaintzen dituzte. Elkarlan hau bi fasetan plantetazen dute:
1. fasea --> Ikasturtean zehar antolatzen dira. Irakaslearen formakuntzarako baliagarriak izango idren jarduerak, ikastaroak etab eskaintzen dute. Jardunaldi hauen helburua irakaslea prestatzea da irakaslea bera museoaren gidari izan dadin ikasleekin egingo duen irteeran.
2. fasea --> Departamenduak irakasleak informatuta izaten ditu. Museoan eman diren berrikuntzak, egiten diren ikerketen berri . . .

2.- AZKEN JOERAK

- Museo batzuk, bere unitate didaktikoak egokitzen dituzte, irakaskuntzan erabiltzen diren arte edukiak, teoriak eta abar kontutan izanik.
- Bisitaldiari ahalik eta etekin handiena ateratzeko museo hauek horretara egokituta dauden programak prestatzen dituzte.
- Museora egiten diren bisitaldiak ez dira txango modura antolatu behar, museoan bertan lagundu egiten gaituzte bisitaldi atsegina eta hezitzaile izan dadin. Horretarako museoak 3 fase antolatzen dituste.
1 fasea --> Bisita egin baino lehen, irakasleei bisita gidatu bat eskaintzen die aholku
praktikoak, hitzaldiak eta bar azalduz.
2 fasea --> Bisitaldiak arte lanak interpretatzen laguntzen du, lehen hezkuntzarako lan praktikoak eta sormenari lotutako teknikak lantzeko aukerak emanez.
3 fasea --> Azkenik ebaluaketarako irizpideak ematen dituzte. fase hau, haurrak eskolara
bueltatzen direnean burutzen da.

Informazio gehiago nahi izan ezkero, museoetako webguneetan (hurrengi sarrera batetan sakonduko ditugu) irakasleentzako saila bereziak izaten dituzte. Gaurko informazio gehiena Arte Hezkuntza eta bere didaktika I apunteetatik lortu ditut, beraz eskuragarri badituzue eta gaian sakondu nahi izan ezkero apunteak irakurri.

Estilo piktorikoak

2008-12-08T11:13:00.013+01:00

Kaixo ! Aurreko post-ean marrazteko erabiltzen diren materialak aztertu genituen modu labur batean izan bazen ere. Gaurkoan historian zehar egon diren estilo piktorikoak jorratuko ditugu power pont baten bitartez.

Webgune honetan ere estilo piktorikoen laburpen bat dator gainera artelanakikusteko aukera ere ematen du eta oso interesgarria ere bada historiaren laburpen eskematikoa.

(oharra: gaztelenaz daude, ez ditut euskaraz aurkitu.)

wikipedian informazioa askoz ere luzeago eta zehatzago dago azalduta, zehaztasunak nahi izan ezkero pasa zaitezte wikipediatik.

Estilos pictoricos

Margozteko materialak

2008-12-02T23:09:00.015+01:00

Hello my friends! (ez eskatu inglesezko gehiago ez dakit eta). Oraingoan marrazteko dauden material desberdinak gainetik aztertuko ditugu, izan ere, gehienok margoak, tenperak, cerak eta errotulkiak erabili ditugu eta gutxi batzuk oleo edo pastelak. Ba jakin ezazue badagoela Plastidekor margoak baino gehiago.

Internet-en begirati ezkero milaka sarrera aurkituko dituzue mrgozteko dauden materialei buruz, nik wikipedian agertutako artikulua jarraituko dut informazio gehiago jakin nahi ezkero joan bertara. Margotzera animatzen bagara material desberdin ugari aurkituko dugu. Lehenengo bizi zerekin margotzen dugun kontutan izan behar dugu, ez baita emaitza berdina lortuko.

- Eskuak eta atzamarrak. Gorputz bera izan daiteke adierazi nahi dugun esprezioa lortzeko, mezua transmititzeko beharrezkoa dugun efektua, zentzua, emozio eta harmonia. Gizakia kobazuloan bizi zebetik marraztu du eskuarekin eta gaur ere teknika hau erabiltzen jarraitzen dugu.

- Pintzelak eta brotxak. Pintzelak margolariarentzako herraminta oso eraginkorrak dira. Pintzelak zabalera, tamainu eta kalitate desberdinetakoak aurkitu daitezke. Pintzelak eta brotxak dituzte materialak organikoak edo artifizialak izan daitezke.

- Zurdak. Zurdak ere material, zabalera, luzeera eta amaitutakoan propietate desberdinekoak izan daitezke. Zurdak ondo zainduak izan behar dira bere erabilgarritasuna luzatu nahi badugu. Horretarako margotu ondoren disolbatzaile batetan grbitu ondoren xaboiarekin zurdak garbitu ezkero, lehortu eta zurdak gorantz jarri ezkero gehiago iraunduko digute. Zaindu zuen pintxelak.

Orain badakigu zer material beharko dugun margotzeko, baina guk buruan dugun irudia artelan bihurtzeko margoak beharko ditugu. Oraingoan ere material desberdin asko aurkitu dezakegu. Denok ez gaude ohitutak guztiak erabiltzera baina oso baliagarria eta komenigarria izango litzateke gure ikasleei material guztiak erabiltzeko aukera ematea, honela material guztiekin trebezia lortu ahalko dute.

Akuarelak. Uretan zirindutako margoak dira, erabilitako margoak gardenak dira (erabilitako uraren arabera) eta batzutan paperaren zuria ere ikusi daiteke zein kolore bezala ere erabilia izando den zerbait zuriz margotu nahi badugu. Arabiako goma edo eztiarekin nahastutako pigmentu aglutinatuak dira.
Tenperak. Akuarelen antzekoak dira baina baina talko industrialarekin nahastuta dago. Nahastutako osagai honek tenpera opakoa bihurtzen du, honi esker tenperarekin ez bezala kolore argiak ilunagoen gainetik margotu daitezke.
Akrilikoak. Azido akrilikoa konposatu kimikoa da, egoera puruan aurkitzean erregai likido, kolorgabea eta usain barrenkorrekoa delarik. Propilenotik lortzen da, petroleoa errefinatzean lortutako subprodukti batetatik. Urarekin , alkoholarekin, eterrarekin eta kloroformoarekin nahastu daiteke.
Pastelak. Pastelak klarionen oso antzekoak dira, baina bere konposizoan desberdinak dira, pastelak pegamentu edo igeltsoaren bitartez aglutinatutako pigmentu kantitate haundia dute. Honi esker kolore argitsu, intentsi eta ondo saturatuak lortzen direlarik. Pastelak aurreko margoekin konparatuz ez dute disolbatzailerik behar, zuzenean erabili daitezke. Artista askok erabiltzen duten materiala da zuzenketak paperean bertan egin daitezkeelako.
Temple. Ura, arraultzaren gorringo eta zuringoa eta olioa emultsionatuz lortzen dugu. Margo mota hau oso interesgarria da etxean egin daitekeelako (nahi izan ezkero, wikipedian azalduta dago nola egin). Oso material interesgarria da amaieran mate efektua hartzen baitu.
Oleoa. Margolaritza "profesionalean" gehien erabiltzen den materiala da. Oleoak nahasketak egitea ahalbidetzen du eta askatasun haundia usten dio artistari.
Aguatua. Akuarelen oso antzekoa da, kasu honetan marrazki osoa kolore bakar batez egiten da. Kolorea urarekin gradu desberdinetan nahasten da tonu ilunagoak eta argiagoak lortuz, betiere pintzela erabiltzen delarik.
Argizariak. Guztiok erabili ditugu argizariak, koipetsuak dira eta eskuekin marraztea ere ahalbidetzen dute. Normalean ez da erraza izaten zehaztasunez marraztea.
Tinta. Akuarela eta aguatuaren oso antzeko emaitza ematen dute. Tinta urarekin nahastuz ere tonalitatearekin jolastu daiteke, marrazki monokromatikoa lortuz. Japonian nahiko zabalduta dagoen joera bat da, baina txinan sortutakoa.

Kontutan izan, material hauek ez direla bakarrak, badaude margo mota gehiago baina margo horiek ez dira umeak erabiltzeko egokienak, etxeako hormak margozteko egokiagoak dira, arte korporaleko margoak, etb. Ikasleentzako onena gorago esan bezala denekin kontaktua izatea da, eta honela agian guk ere, irakasleok (urte batzuk barru noski), ezagutzen ez ditugun materialekin "jolasteko" aukera izango dugu.

Blog honetatik guztiok animatu nahi zaituztet material desberdinak frogatzera eta aurreko post baten esan bezala eskuak margoz, kolorez, bizitasunez zikintzera. Gogoratu, txikitan nork ez zuen eskuekin margoztea gustuko? Nik bai, oso gustuko nuen atzamarrak tenperatan sartzea.

Beno, gaurko nahiko dela uste dut, hurrengo bat arte.

Haurraren pertzepzioa. Nola ikusten du haurrak artea?

2008-12-01T19:58:00.011+01:00

Aupa! Beno, bazen berriz idazteko garaia izan ere bada denboratxo bat hemen idazten ez dudala. Aurreko batetan Lowenfeld-ek haurraren garapenari buruz idatzitakoa laburtu nuen hemen. Gogoratzen al zarete? Baietz espero dut. Gaurkoan ere betaurreko berezi batzuk jarri eta umeengana hurbilduko gara (Jesusek esan zuen bezala utzi umeak nigana hurbil daitezen) Arte Hezkuntza nola ikusten duten aztertuko dugu, umeak eta artea nola ikusten duten azaltzen saiatuko gara. TORI BETAURREKO HAUEK ETA JARRI UMEEN TOKIAN!

Antzemango zenuten bezala haurrek arte lan bat ikustean ez dute helduek antzemanten duten berdina ikusten. Haurrek mundu bisualaren alderdi batean zentratzeko joera izaten dute, Piaget-ek prozesu honi "zentralizazioa" deitu zion, hau da, forma konkretu batean zentratzeko tendentziari. Beti ere, eremu zabal batek forma horrekin sortzen dituen harremanak ohartzeko ahalmen falta horri.

Pertzepziozko trebeziak garatu ez dituzten pertsonak, forma konkretu batean zentratzeko joera dute, hau izango litzateke haurren kasua. Helduok testuinguruan jartzen dugu arreta. Objektuen arteko harremanak ikusteko eta ulertzeko gaitasuna duten pertsonak, heldutasuna garatu dutela deritzogu. Haurreak aldiz ez ditu ulertzen ezta ikusten harreman hauek.

Argiago ikusteko, honako power point honetan adibide argi bat dugu. (Hobeto ikusteko pantaila osoan jarri ezazue)

De lo que es capaz nuestro cerebro

View SlideShare presentation or Upload your own.

Haurraren Garapena Arte Hezkuntzan: Lowenfeld

2008-11-23T17:30:00.011+01:00

Gaurkoan Arte Hezkuntzan Lowenfeld-en arabera haurraren garapena aztertuko dugu.

Viktor Lowenfeld (1903-1960) Austrian, Linz-en jaio zen eta Arte eta Psikologia ikasketak burutu zituen. Lowenfeld-ek haurraren marrazkigintzarn garapena aztertu zuen. Sormenaren eta adimenaren hazkuntza interesatzen zitzaizkion eta hau lortzeko artea baliabide egokiena zela pentsatzen zuen.

Lowenfeld-entzako, edozein haurrak sormenaren garaoenerako kapazitatea du eta irakaslearen funtzioa, egokiak diren baldintzak eskaintzea eta haurrak dituen ahalmenak garatzeko laguntzea da.

Irakasleak edo gurasoak haurra presionatzen duenean, kopiatzen uste dionean, kalkatzeko edo koloreztatzeko liburuak erabailyzen dituztenean haurraren sormenaren ahalmenak murrizten dira. Haurraren sormena ondo garatzeko, bere sentimenak erabili behar ditu eta bizitzarekin harremanetan egon behar da. Sentiduak, hau da, entzumena, ikusmena, imajinazioa bisuala, ukimena eta oharmena garatzeko esperientzi zuzenak izan behar ditu. Kontutan izan behar da, haurraren marrazkiak bere esperientziaren islada dela.

Ala eta guztiz ere, liburuetan marrazkigintzaren garapenaren prozesua nolakoa zen aztertu eta etapetan sailkatu zuen. Piageten teoria jarraituz, etapa desberdinak sailkatu zituen: zirriborroa (3 azpifase daude), aurreskematikoa, eskematikoa, errealismoa eta talde fasea.

Oharra: Etapa guztiak laburtu beharrean, Arte Hezkuntza eta bere didaktika I apunteetan agertzen den hurrengo taula jarriko dut, bertan dena oso sinple eta ulertzeko moduan laburtuta baitago.

Estadio hauek gizakiaren garapenerako aspektu naturakaj direka eta ondorioz haurrak 2estadio altuagora pasatzeko, aurreko estadiotik pasa behar duela".

Artea, hesitzeko tresna egokia dela dio, gizakiaren sentsibilitatea garatzeko, kooperazioa lantzeko, egoismoa murristeko (berekoikeria) eta sormena garatzeko. Lowenfeld-en lana haurraren errealitate psikologikoa eta soziala interpretatzeko tresna egokia izan zen, hau da, haurraren garapen intelektuala bultzatzeko irakasleak haurraren eogera eta ingua kontuan behar zuela.

Albisteak IV

2008-11-23T15:47:00.005+01:00

Azken aldian idatzi ez dudan arren, horrek ez du esan nahi blog-a ahaztu dudanik. Azken aldian bezala gaurkoan ere aldizkarietan aurkitutako berriak hurbiltzen ditut blog-era. Oraingoan guztioi etxera heltzen zaigun aldizkari batetan, campusa 63. zenbakian, aurkitu dut berria, beraz, denok irakurrita izango duzue ezta? Beno, berdin, hala ere, berria idatziko dut.

UPV/EHUk arte bilduma katalogatu eta aurkeztu du "Aula Magna imaginis" eta "Arte ondarea. Patrimonio artistico" liburuetan.
UPV/EHU hainbat leku eta ikastegitansakabanaturik zegoen arte ondarearen inbentario eta katalogazioa egiten hasi zen 2007an eta lan horren ondorioz "Arte Ondarea. Patrimonio artistico" kaleratu du. Libururako 117 artistaren 147 obra aukeratu dira. Orohar, unibertsitatearen arte ondareko artelan gehienak azken belaunaldietako euskal artistenak dira, azken hamabost urteetan hainbat estilo, baliabide eta euskarritan eginak.

Areto nagusia toki berezia da, ez da ikastegi batena edo bestearena, ez campus batena edo bestearena, eta bertan ekitaldi ospetsuenak ospatzen dira. Areto Nagusiko horiek beste liburu baten protagonistak dira "Aula Magna Imaginis"-ek obra horien burutzearen lekuko grafiko eta dokumehatzioa jaso du. Bilduma honetako argazkietan Areto Nagusin azkenik eskegi diren obrak ez ezik, nork bere tailerrean burututako margotze prozesua ere antzeman daiteke. Irudien ondoan artistek beraiek idatzitako testuak kokatu diram lan hauen historia zehatza edo artearen inguruko burutazioez osatuak.

Komentatzekoa ere bada, beste hainbat webgunetan ere, berria azaldu dela. Gara, Deia etaUniversia webgunean ere.

Albisteak III

2008-11-17T23:22:00.009+01:00

Gabon guztioi. Gaur egia esan ez neukan blogean idaztea pentsatuta, baina teleberri ikusten negoela arteari buruzko berri bat eman dute eta pentsatu dut: "ze ostia, blogean ipiniko dot". Telebistan entzun izan dudanez, eta Deian ere argitaratu den bezala, Bilboko arte ederren museoak minusbaliatu intelektualentzako programa berezi bat prestatu du. Programa honi esker aukeratako artelan batzuk ikusi ahal izango dituzte eta baita artelanak ulertu ere. Horretarako telebistan ikusi ahal izan dudanez, gidari berezi bat izango dute, zein minusbaliatu intelektualekin lan egindakoa den.

Gustokoa da horrelako berriak entzutea, nahiz eta ez litzateke berria izan behar. Blog honetatik Bilboko Arte Ederren museoa zoriondu nahiko nuke eta gainontzeko museoak ereduarekin jarraitzea animatu. Nork esan du artea eta gaigabezidun pertsonak bateraezinak direla? Webgune honetan ikus dezakegun bezala gaigabezi mentala ere dutenak artista haundiak izan daitezke. Hona hemen adibidea:

Psikomotorearen oinarriak

2008-11-17T00:11:00.009+01:00

Oraingo honetan haurraren garapen psikomotorearen oinarriak aztertuko ditugu eta hauek arte hezkuntzarekin duten erlazioa.Guzti hau sakontzeko Jesus Palacios, Alvaro Marchesi eta Cesar Collen-en “Garapen psikologikoa eta hezkuntza I: Psikologia ebolutiboa” liburua erabiliko dugu.

Psikomotrizitatea organismoaren eta bere ingurunearen arteko harremanetan mugimenduak eta gorputz-jarduerak duten inplikazio psikologikoari dagokio. Psikomotrizitatearen alorra, bada, psikismoaren eta mugimenduaren eta mugimenduaren eta psikismoaren arteko harremanen mundua da.

Gorputza kontrolatzeko pixkanaka-pixkanakako prozesu baten bidez gertatzen da. Prozesu horrek funtsezko bi legeri jarraitzen die: lege zefalokaudalari eta lege-distalari.

Garapen lege zefalo-kaudalaren arabera, burutik gertuen dauden gorputz zatiak kontrolatzen dira lehenik eta ondoren kontrola beherantz hedatuko da. Horrenbestez, lepoko muskuluak enborreko muskuluak baino lehenago kontrolatuko dira eta besoak hankak baino lehenago. Haurrak lehenago eusten dio buruari tente enborrari baino eta besoak trebeziaz erabiltzeko gauza izango da hankak erabiltzeko gauza izan baino lehen.

Lege proximo-distalak dioenez, gorputzaren ardatzetik (goitik behera gorputza bi zati simetrikotan banatzen duen irudizko lerrotik) hurbilen dauden zatiak kontrolatzen dira ardatz horretatik urrunago dauden zatiak baino lehenago. Hori dela eta, sorbaldaren artikulazioa ukondoarena baino lehenago kontrolatuko da eta hori eskumuturrarena baino lehenago kontrolatuko da eta azken hori hatzetako artikulazioena baino lehenago. Horregatik egiten dira, hain zuzen ere, zirriborro desordenatuak zigzag zirriborroak baino lehen. Izan ere, zigzag moduko zirriborroak egiteko ukondoa astindu besterik ez da egin behar. Horiek zirriborro zirkularrak, eskumuturra biratzea eskatzen dutenak, baino lehenagokoak izango dira. Gorputzaren ardatzetik urrutien dauden zatien (eskumuturraren eta hatzen) kontrola ez da lortzen lehen haurtzaroan, eskolaurreko urteetan eta ondorengo urteetan baizik.

Psikomotrizitatearen lege hauek azaldu ditut arte hezkuntzan, gorputzaren ardatzen kontrola garrantzitsua delako, izan ere, arte hezkuntzako materialak erabiltzeko gorputzaren mugimenduen kontrola ezinbestekoa baita.

Gaian gehiago sakondu nahi izanez gero, gorago aipatutako liburua EHUko argitalpen zerbitzuak 1999. Urtean argitaratu zuen eta Bilboko Irakasleen Eskolako liburutegian eskuragarri dago. (Goian jarritako argazkia liburuaren gaztelaniazko alea da)

Albisteak II

2008-11-16T21:37:00.006+01:00

Gaurkoan ere artearekin erlazionatutako hainbat berri hurbildu nahi ditut. Berri hauek ADN dohako egunkarian argitaratu ziren Azaroak 12an. Barkatu atzerapena baina ez dut denborarik izan berri hau zuei hurbiltzeko.

Gorago utzitako hipervinculuan berri guztia irakurri ahalko duzue erderaz, Reina Sofia Museoan dagoen erakusketari buruz informazioa ematen du artikuluak. Erakusketa honetan, besteak beste George Braqueren"Le Tapis Vert" izango da ikusgai, zuek berago duzuen argazkia.

Artikuluan, beste bi erakusketa ere aurkezten dizkigute. Lehenengoa, Thyssen-Bornemisza Museoa eta Caja Madrid Fundazioak elkarlanean egindako erakusketa, "1914 La Vanguardia y la Gran Guerra" deiturikoa. Erakusketa 2009ko Urtarrilaren 9 arte izango da ikuskgai.

Bigarrenez Madrilgo El circulo de Bellas Artes eta Madrilgo Komunitateko Alcalá 31ko salan "lenguajes de papel" erakusketa izango da ikusgai Azaroaren 16 arte. Besteak beste Picasso, Chillida edo Warholen collage, akuarelak eta marrazkiak ikusi ahal izango dira.

Gaurkoz, amaitu dira arteari buruzko berriak, baina lasai dohako egunkariak irakurtzen jarraituko dut eta zerbait interesgarria egotekotan hemen jarriko dut.

Albisteak

2008-11-10T23:41:00.006+01:00

Gaur, Azaroak 10, El nervión dohako egunkarian arteari buruzko hainbat artikulu idatzi dira. Post honetan berri hauek eskegi nahi izan ditut erakusketa horietatik pasatzera gonbidatuz. Gaurkoan artearen inguruko nahikotxo albiste irakurri ahal izan ditut.

Lehenengoz,Galdakaon dagoen erakusketa bati buruzko informazio utzi nahiko nuke. Egunkarian dioenez, Soraya García Suarez Galdakaoko artistak lehenengoz aurkezten du bere lana bere herrian. Erakusketa Azaroaren 21 arte egongo da ikusgai Galdakaoko Torrezabal Kultur Etxean. Bere estiloa estiloen eta tekniken amalgama bat da; bere lehenengo etapako oleoetatik hasita, arkitektura ikasketetatik sortutako maketetaraino doan.

Bigarrenez, Laukizko Kultura aretoan Azaroaren 23 arte “Donde no existe el tiempo” erakusketa aurkitu ahal izango dute bertara hurbiltzen direnak. Erakusketa 60 obrek osatzen dute, beraien mezua “la ausencia de la temporalidad y la permanencia constante de la presencia” delarik. Serie baten lehenengo erakusketa izango, zeinek, egungo artea hiritarrei hurbildu nahi duen.

Hirugarrenez, Romoko Kultura Aretoan “Sahara con nombre de mujer” erakusketa disfrutatu ahalko du bertara hurbiltzen den guztiak. Marisol Ramírez kazetari grafikoak 2007an Tindoufeko Saharar errefuxiatu kanpamentuetan ateratako argazkiak izango dira ikusgai. Mundubat ONG antolatua, Getxoko Udaletxearen laguntzaz, erakusketak Argeliako leku latz eta basamortutsura hurbiltzen du bisitaria, 32 urtez milaka pertsonek Sahara mendebaldarbuelta itxaroten duten.

Laugarrenez, Joaquin Sorolla margolari ospetsuaren hainbat artelan ikusgai egongo dira Bilboko Arte Ederren Museoan Urtarrilaren 18 arte. Erakusketak “Sorolla. Visión de España. Colección de la Hispanic Society of America” izenburua du. Erakusketan Balentziako margolariak Espainiako garaiko pertsonak eta ohiturak islatzen saiatu zen.

Azkenik, Abenduaren 19tik 23ra Jet Lag Bio 08 ospatuko da Bilbon, Deustuko Kanaleko industri pabiloi zahar batean. Bizkaiko hiriburuaz gain, nazioarteko bost herrialdek berorietan bizi diren gazteen esperientzi sortzaileak partekatuko dituzte, horien artean, Berlin, Dakar, Medellin, San Frantzisko eta Shangai. Skate, graffitia, kontzertuak, komiki erakusketak, lasaitasunerako eta aisiarako lekuak bat egingo dute ekimen honetan. Izan ere, pertsonen eta hirien arteko elkartrukea ahalbidetuko duen eszenatokia izango da.

Zer da arte hezkuntza?

2008-11-10T23:16:00.006+01:00

Aurreko postean nire blogaren gaia aurkeztu nuen, gogoratzen ez duenarentzat arte hezkuntza dela gogoraraziko diot.Lehenengoz aitorpen txiki bat egin nahi nuke, mezu honetan idatzitako zati gehiena Lehen Hezluntzako lehenengo mailan emandako adierazpen plastikoa eta bere didaktika apunteetatik hartu dudala, beraz ez da nik asmatutakoa.

Sarrera honetan arte hezkuntza zer den eta inguruko hainbat kontzeptu plazaratu nahi ditut.

Arte hezkuntza ikusmenaren bidez irizten zaizkigun imajinez arduratzen da:

Artea baloratzen erakusten duen arloa da.
Artearen teoria eta praktika erakusteaz arduratzen da.
Artearekiko ditugun gaitasunak garatzen erakusten digu.
Imajinaren munduarekin lotuta dagoen heziketa.
Arte lanak eta teknikak erakusten duen irakasgaia da.
Arte historia transmititzeko eta egungo artea ulertzeko balio duen hezkuntza da.
Pertzepzioa, eskua trebatzen . . . arloa da.

Imajinaren munduarekin zerikusia duen ia guztia, hezkuntza sistematik kanpo geratu ohi izan da, edo ez zaio garrantzi haundirik ematen. Baina arte hezkuntzan egiten diren jarduerek ez dute bakarrik eskoletako ordutegi betetzeko balio eta besteak beste honako balioak errekonozitzen zaizkio (batzuk blog honetan aurrerago landuko ditugu):

- Eskua trebatzeko.

- Heldutasun grafo-motorra garatzeko

- Bizi-emozioak adierazteko.

-Haurraren adimenaren garapena osatzeko.

- Ikus pertzepzioa garatzeko.

- Ideiak komunikatzeko

- Jolaserako

- Beste irakasgaiekin harremanetan jartzeko.

- Gure mundua ezagutzeko.

Goiko puntuetan ikusi ahal izan dugunez, arte hezkuntza ez da askok uste duena. Gehienetan, arte hezkuntza denbora galtzea edo ikasleek nahi dutena margotzea dela uste da. Arte hezkuntzaren inguruan badaude aurreiritzi batzuk, besteak beste:

Eskulanak. Arte hezkuntza tradizoan eskuaren trebeziarekin lotu izan da.
Artista= Jenio. Jaiotzetik izaera berezia duen gizakia zela uste zen.
Jarduera emozionala/intelektuala. Tradizioz, arte gizakiaren alderdi emozionalarekin lotuta azaldu da.

Eisner-en arabera, gizartean eta hainbat eskoletan oso errotuta dauden aurreiritziak ere kontutan izan behar dira arte hezkuntzari buruz hitz egiterakoan.

Haurraru utzi behar zaio lanean material ezberdinekin bere iritzira.
Garrantzizkoena prozesu artiztikoa da, ez emaitza.
Haurraren artea ez da ebaluatu behar eta ezin da ebalutu.
Irakaslegoak ez luke arteri buruz hitz egin behar gelan haurraren sormena ez hondatzeko.
Kalitatezkoa izan nahi duen hezkuntza artistiko batek material ugari eta jarduera anitz eskaini behar dizkie haurrei.

Guztiongan errotutako aurreiritziak dira, beraz, konponbidea ez da erraza izango ezta epe laburrean emango. Izan ere, nola ez erori aurreritzi horietan, eskolan niri irakatsi dizkidatenak badira?

BLOGAREN GAIA

2008-11-09T23:54:00.008+01:00

Aurreko post batean azaldu nuen bezala, blog hau irakasgai batean agindu digute. Ikaslea bainaiz. Lehen Hezkuntzako irakaslea izateko ikasketak egiten ari naiz Bilboko Irakasleen Eskolan.

Blog honen gai arte hezkuntza izatea aukeratu dut, iaz Adierazpen plastikoa eta bere didaktika irakasgaia nire gustukoa izan zelako. Blog honetan gai honen inguruko hainbat gai desberdin jorratzen saiatuko naiz, nahiz eta askotan post batek hurrengoarekin lotura ez izan denak arte hezkuntzaren inguruan arituko dira.

Blog hau irakurtzen duten guztiei interesgarria suertatuko zaiela espero dut eta baliteke norbait zaletua bihurtzea.Beraz, goazen denok batera gaian murgiltzera eta argazkiko neskatxa bezala eskuak gaian sartzera.

Euskarazko blogak

2008-10-30T16:33:00.010+01:00

Faroa blogean irakurri dudanez, euskarazko 5.464 blog daude. Orain gehiago egongo dira Lehen Hezkuntzako hirugarren mailakoenak kontutan izanda. Artikulu horretan irakurri ahal izan dudanez ia sei urte igaro dira Sustatu lehen blog euskalduna sortu zela. Baina kontutan izan behar da blog guzti hauek ez daudela aktibo. Euskal blogesferari buruz zeozer gehiago jakin nahi izan ezkero wikipedian sarrera bat idatzita dago.

Artikuluaren idazleak hainbat blog komunitate daude, beraien artean LARRABETZUkoak, komunitate horren barnean 10 blog daudelarik.

Bideo froga

2008-10-25T23:42:00.008+02:00

Bideo bat sartzeko lehenengo froga da, eta ez zait "crepusculo"en trailerra baino ezer hoberik okurritu.

Zer neskak joango gara ikustera? Ane eta Elixabete ez bota atzera eh!!

___________________________________________________________________________________

Zer da Blog bat?

2008-10-25T22:08:00.013+02:00

Blog hau unibertsitateko lan baten ondorioa dela onartu behar dut, baina horrek ez du esan nahi gustura egingo ez dudanik. Blog bat egiteko lehenik eta behin blog bat zer den jakin beharko dut, beraz, interneten nabigatzen hurrengoa aurkitu dut:

Blog (edo Weblog) bat, anotazio, istorio edo artikulu publikoak idazten diren Interneteko gune bat da. Egile bakoitzak anotazioak egunkari edo bitakora moduan idazten ditu eta hauek kronologikoki publikatuz doaz bere blogean.

Blog gehienak pertsonalak dira, egile bakar batek idatziak. Beste batzuk hiru edo lau pertsonen artean idazten dira. Bertan edozer gauza publika daiteke, askatasun osoz, egunkari pertsonal bat izango balitz bezela, notiziak, aktualitatearen iritzia, imajinak, poesia… Zerbait esateko daukan edonork eduki dezake blog bat.

Blog bat edukitzea dohakoa da, hala ere badaude ordaindu beharrekoak direnak. Blog bat eduki nahi duenak existitzen diren publikazio plataforma askotako batera jo eta minutu gutxitan blog bat sortu dezake eta idazten hasi.

Blog baten ezaugarri nagusienak:

Libreak dira: Nik nere blogean nahi dudana esan dezaket.

Kronologikoak dira: Gaur idatzi dudana atzo idatzi nuenaren aurretik azalduko da.

Irekiak dira: Orokorrean irakurleek komentarioak idatz ditzakete nire anotazioetan, baina hau egilearen erabakia da.

Kategorizatuak daude: Publikatzen dudan sarrera bakoitza kategoria bat edo gehiagotan sar dezaket, horrela musika, kultura, edo teknologiari buruzko sarrerak organizatzeko aukera izango dut, eta era honetan irakurketa erreztuko diot irakurleari.

Gaiari buruz gehiago jakiteko:

- Artikulua hemendik hartuta dago.
-Wikipedian blog-aren definizioa.
-Teketen blogean ematen den definizioa.

Zuen marketan, prest . . .

2008-10-23T22:31:00.004+02:00

eta hasi da lasterketa. Izan ere, horrelako zeozer da niretzako blog baten "jabe" izatea. Duda gabe, maratoietan bezala esfortzua behar du idazlearen aldetik, baina amaieran egindako lanaz gustura amaitzen duzu nahiz eta arnas eztuka egon. Espero dut niri ere horrelako zerbait gertatzea, blog honek nekeaz aparte lana ondo eginaren poztasuna emango didala.

Blog hau irakasgai baten derrigortua sortu behar izan dugu ikasle guztiok, baina batek daki ez ote garen denok pozarren egongo "lan" honekin eta irakasgaia amaitu ondoren ere blog honek aurrera jarraitzea. Ezin jakin etorkizunak zer duen gutako bakoitzarentzat prestatua, baina beti gogortsu eta ahal bada irribarre batez egin beharko diogu aurre.

Beraz, ni bezala lan hau egin behar duzuenei.

Animo neska mutilak, etorkizuna gure eskuetan dugu eta. Inork ez diezazula esan ezin duzunik egin!